बंगलादेशमा आज (आइतबार) १२औँ संसदीय निर्वाचन हुँदैछ। बंगलादेशी पत्रपत्रिकामा यसबारेका समाचार प्रमुख रूपमा छापिएका छन्।
विदेशी पर्यवेक्षकले सबै मतदान केन्द्रमा जान नपाउने– ‘युगान्तर’मा प्रकाशित रिपोर्टमा सुरक्षा र दूरीका कारण विदेशी पर्यवेक्षकले आफ्नो स्वेच्छाले कुनै पनि मतदान केन्द्रमा जान नपाउने उल्लेख गरिएको छ।
परराष्ट्र सचिव मसुद बिन मोमिनले दर्ता भएका पर्यवेक्षकहरू सडक हुँदै होटल सोनारगाउँबाट दुई घण्टाको दूरीमा रहेको मतदान केन्द्रमा जान सक्ने बताए। यसबाहेक ढाकाबाहिर हवाई सम्पर्क भएका जिल्लाहरूमा जान पाउनेछन्।
