भरतपुरको विकास हेर्न चितवन जाँदै पूर्वराजा ज्ञानेन्द्र शाह
मिसन संवाददाता
आइतवार, माघ २१, २०८० १६:१७
पूर्वराजा ज्ञानेन्द्र शाह र पूर्वरानी कोमल शाह आगामी हप्ता चितवन भ्रमणमा जाने भएका छन्। पछिल्लो समय तराईं-मधेसका विभिन्न जिल्लाको भ्रमणमा रहेका पूर्वराजा आगामी हप्ता चितवनको भ्रमणका लागि भरतपुर जाने पूर्वराजा शाहको सचिवालयले जनाएको छ।
‘श्री ५ महाराजधिराज ज्ञानेन्द्र वीर विक्रम शाहदेव तथा श्री ५ बडामहारानी कोमल राज्य लक्ष्मीदेवी शाह चितवन जिल्लाको भ्रमणको सिलसिलामा आगामी हप्ता भरतपुर सवारी होइबक्सँदै छ,’ सचिवालयले भनेको छ।
उनले भरतपुरको विकास निर्माण, जनतासंग भेटघाट तथा धार्मिक स्थलको भ्रमण गर्नेछन् ।
