संघीय संसद अन्तर्गत राष्ट्रियसभाको बैठक आज बिहान बस्दैछ।
बिहीबार बिहान ११ बजेर १ मिनेटमा संघीय संसद भवन नयाँ बानेश्वरमा बैठक सुरु हुने संसद सचिवालयले जनाएको छ।
आजको बैठकमा विधायन व्यवस्थापन समितिकी सभापति जयन्तीदेवी राईले स्थानीय तहको कानुन निर्माण प्रक्रिया एवं अभ्यास सम्बन्धमा स्थलगत अध्ययन, अनुगमन एवं अन्तरक्रिया कार्यक्रमको प्रतिवेदन २०८० सभा समक्ष पेस गर्ने सम्भाावित कार्यसूची छ।।
त्यसैगरी आजको बैठकमा आगामी आर्थिक वर्ष २०८१–८२ का लागि विनियोजन विधेयकका सिद्धान्त र प्राथमिकतामाथि सभामा छलफल हुने कार्यसूची पनि रहेको संसदका महासचिव पद्मप्रसाद पाण्डेले जानकारी दिए।
