सिन्धुपाल्चोकमा दुर्घटना हुँदा नाम्दुका युवकको मृत्यु

सिन्धुपाल्चोकमा काठमाडौंबाट दोलखातर्फ आउँदै गरेको स्कुटरलाई बिपरित दिशावाट आउँदै गरेको गाडीले ठक्कर दिँदा दोलखाको वैतेश्वर ६ नाम्दुका एक युवकको मृत्यु भएको छ ।

सिन्धुपाल्चोकको सुकुटेमा हिजो वेलुकी भएको दुर्घटनामा दोलखाको वैतेश्वर गाउँपालिका—६ नाम्दुका २० वर्षीय प्रज्जवल तामाङको मृत्यु भएको हो । तामाङलाई उपचारका लागि धुलिखेल लैजादै गर्दा बीच बाटोमै मृत्यु भएको थियो ।

सुकुटेबाट काठमाडौंतर्फ जाँदै गरेको बा १९ च ९१२३ नम्बरको योद्धा गाडीले हिजो वेलुकी करिव ७ बजे काठमाडौंबाट दोलखातर्फ आउँदै गरेको बागमती प्रदेश ०२०२७ प ८५६२ नम्बरको स्कुटर र बा ४२ प ४१६० नम्बरको मोटरसाइकललाई ठक्कर दिएको थियो । दुर्घटनामा परि अन्य ३ जना घाईते भएका छन्।