विद्युतीय सिगरेट (भेप) मा लुकाएर तस्करी भएको सुनका चिनियाँ तस्करसँग सम्पर्क देखिएको सन्दर्भमा पूर्वसभामुख एवं माओवादी केन्द्रका नेता कृष्णबहादुर महराले बयान दिएका छन् ।
उच्च अदालतका पूर्वन्यायाधीश डिल्लीराम आचार्यको संयोजकत्वको समितिले बयानको लागि उनलाई बोलाएको थियो ।
विद्युतीय सिगरेट (भेप) मा लुकाएर तस्करी भएको ९ किलो सुनका चिनियाँ तस्करसँग महरासँगको सम्पर्क देखिएको थियो । यही प्रकरणका उनका छोरा राहुल महरालाई प्रहरीको केन्द्रीय अनुसन्धान ब्यूरो (सीआईबी) ले पक्राउ गरेको थियो । उनी पुर्पक्षका लागि कारागारमा छन् ।
२०७९ पुस १० गते फ्लाई दुबईको उडान नम्बर एफजेड–०५८७ बाट नेपाल आएका चिनियाँ यात्रु ली हानसोङले लगेजमा राखी इलेक्ट्रिक सिगरेट (भेप)भित्र ठूलो मात्रामा सुन लुकाएर ल्याएका थिए ।
