बाँफीकोट गाउँपालिका–८ मा जिप दुर्घटनामा ५ जनाको मृत्यु
मिसन संवाददाता
बिहिबार, जेष्ठ ११, २०८० १७:३४
काठमाडौं । रुकुम पश्चिमको बाँफीकोट गाउँपालिका–८ मा भएको जिप दुर्घटनामा ५ जनाको मृत्यु भएको छ ।
दुलीबाट खलंगातर्फ जाँदै गरेको लु १ ज १७४७ नम्बरको जिप सडकबाट ४०० मिटर तल खसेर दुर्घटना हुँदा एक आमाछोरासहित ५ जनाको मृत्यु भएको छ ।
दुर्घटनामा मृत्यु हुनेमा रुकुम पश्चिमको सानीभेरी गाउँपालिका–५ का ७७ वर्षका कर्ण बाठामगर, ४८ वर्षका देउचन खत्री र २३ वर्षकी शितला कुसारी, बाँफीकोट गाउँपालिका–८ कि २२ वर्षकी रेखा खनाल केसी र उनको २२ दिनका छोरा रोशन केसीको मृत्यु भएको हाे ।
१५ जना सवार दुर्घटनामा गम्भीर घाइते भएका ४ जनाको नेपालगञ्ज मेडिकल कलेज कोहलपुरमा उपचार भइरहेको छ ।
त्यस्तै ७ जना घाइतेको जिल्ला अस्पताल सल्लेमा उपचार भइरहेको छ । जसमध्ये एक जना डिस्चार्ज भइसकेका छन् ।
