नक्कली शरणार्थी प्रकरणमा पक्राउ परेका १६ जनालाई पूर्पक्षका लागि थुनामा राख्न आदेश
मिसन संवाददाता
शुक्रबार, असार १, २०८० १८:३३
काठमाडौं । नक्कली शरणार्थी प्रकरणमा पक्राउ परेका १६ जनालाई पूर्पक्षका लागि थुनामा राख्न आदेश दिएको छ।
जिल्ला अदालत, काठमाडौँले शुक्रबार सो आदेश दिएको हो।न्यायाधीश प्रेमप्रसाद न्यौपानेको इजलासले पूर्व गृहमन्त्री बालकृष्ण खाँण र पूर्वउपप्रधानमन्त्री टोपबहादुर रायमाझी र सचिव टेकनारायण पाण्डेसहित १६ जनालाई पूर्पक्षका लागि थुनामा राख्न आदेश गरेको हो।
न्यायाधीश न्यौपानेको इजलासले दुई साता लामो थुनछेक बहसपछि लक्ष्मी महर्जनसहित दुई जनालाई भने धरौटीमा छाडेकाे छ ।
मर्हजनलाई ५ लाख र टंक कुमार गुरुङलाई १० लाख रुपैयाँ धरौटीमा छाड्न न्यायाधीश प्रेमप्रसाद न्यौपानेले आदेश दिएका छन् ।
