उपराष्ट्रपतिमा जसपाका रामसहाय प्रसाद यादव निर्वाचित
मिसन संवाददाता
शुक्रबार, चैत्र ३, २०७९ १७:१३
काठमाडौँ । उपराष्ट्रपतिमा जसपाका रामसहाय प्रसाद यादव निर्वाचित हुनुभएको छ । यादवले संघतर्फ १ सय ८४ र प्रदेशतर्फ ३ सय २९ जना सांसदको मत पाउनुभएको छ । नेकपा एमालेकी उम्मेदवारी अष्टलक्ष्मी शाक्य र जनमत पार्टीकी उम्मेदवार ममता झालाई पराजित गर्दै यादव उपराष्ट्रपतिमा निर्वाचित हुनुभएको हो । शाक्यले प्रदेशतर्फ १ सय ६९ र संघतर्फ १ सय ४ जना सांसदको मत प्राप्त गर्नुभएको छ । यस्तै जनमत पार्टीकी ममता झाले प्रदेशतर्फ १५ र संघतर्फ २३ मत प्राप्त गर्नुभएको छ । उपराष्ट्रपति निर्वाचनका लागि आज दिउँसो भएको मतदानमा ८ सय २९ मत खसेको थियो । जसमा संघीयतर्फ ३ सय ११ र प्रदेशतर्फ ५ सय १८ मत खसेको हो ।
