ललितपुरको भैँसेपार्टीमा रहेको मन्त्री क्वार्टर परिसरको टहरामा आगलागी भएको छ ।
मन्त्री क्वार्टर परिसरमा रहेको कामदार बस्ने टहरामा मंगलबार बिहान आगलागी भएको हो । जिल्ला प्रहरी परिसर ललितपुरका एसपी नवराज कार्कीका अनुसार खाना पकाउने क्रममा टहरामा आगलागी भएको हो ।
आगलागी केही बेरमै नियन्त्रणमा लिइएको एसपी कार्कीले बताए । आगलागी ललितपुर महानगर प्रहरीको वारुणयन्त्रसहित प्रहरीको टोलीले नियन्त्रणमा लिएको उनले जानकारी दिए ।
