महानगरका शिक्षा प्रमुखलाई बालेनले सोधे स्पष्टीकरण : विद्यालय पोसेको आरोप
मिसन संवाददाता
आइतवार, माघ १४, २०८० १६:१६
काठमाडौं महानगरपालिकाका मेयर बालेन शाहले शिक्षा विभागका प्रमुख सीताराम कोइरालालाई स्पष्टीकरण सोधेका छन् । कोइरालाले महानगरको शिक्षा बोर्डको सहमतिविता एक विद्यालयलाई प्लस टु चलाउन अनुमति दिएको आरोपमा ७ दिने स्पष्टीकरण सोधेका हुन् । सँगै बालेनले केही दिन बिदामा बस्न निर्देशनसमेत दिएका छन् ।
कोइरालाले काठमाडौंको मध्यबानेश्वरस्थित रत्नराज्य क्याम्पसलाई नगर शिक्षा समितिको निर्णयको हवाला दिँदै विज्ञान संकाय चलाउन ११ र १२ को अनुमति दिएका थिए ।
यसअघि पनि कर्मचारीको करार नवीकरण सम्बन्धमा कार्यपालिकाको माइन्यूट नै फेरेर निर्णय गरेपछि केही कर्मचारीलाई स्पष्टीकरण सोधिएको थियो । उक्त निर्णय लिएर तत्कालीन प्रमुख प्रशासकीय अधिकृत वसन्त अधिकारी फेरिसकेका छन् ।
