सत्ता नेतृत्वकर्ता नेकपा माओवादी केन्द्रसहित चार दल सम्मिलित समाजवादाी मोर्चाको संयोजकमा नेपाल कम्युनिस्ट पार्टीका महासचिव नेत्रविक्रम चन्द विप्लव चयन भएका छन्।
आज बिहान बालुवाटारमा बसेको मोर्चाको बैठकले आलोपालो प्रावधानअनुसार मोर्चाको संयोजकमा विप्लवलाई ल्याइएको हो।
यसअघि नेकपा एकीकृत समाजवादीका अध्यक्ष माधव नेपाल संयोजक थिए। मोर्चाको बैठकपछि सञ्चारकर्मीसँग कुरा गर्दै माओवादी केन्द्रका महासचिव देव गुरुङले अहिलेसम्म ५८ जिल्लामा समाजवादी मोर्चाको संयोजन समिति गठन भइसकेको जानकारी दिए।
देशका प्रमुख सहरमा जनपरिचालनका कार्यक्रम आयोजना गरिने उनले बताए।
