राष्ट्रियसभा अध्यक्ष : कांग्रेस उम्मेदवारलाई १७ भोट
मिसन संवाददाता
मङ्लबार, फाल्गुन २९, २०८० १३:२५
राष्ट्रियसभा अध्यक्षमा युवराज शर्मालाई निर्वाचित गरियोस भन्ने प्रस्ताव बहुमतले अस्वीकृत भएको छ ।
सभा-अध्यक्ष चुन्नेगरी मङ्गलबार जारी राष्ट्रियसभा बैठकमा निर्णयार्थ प्रस्तुत गरिएको प्रस्तावको पक्षमा १७ मत परेसँगै उनको प्रस्ताव बहुमतले अस्वीकृत भएको हो ।
प्रस्तावको विपक्षमा ३९ मत परेको थियो ।
राष्ट्रिय सभाको अध्यक्षमा अर्का उम्मेदवार नारायण प्रसाद दाहाल छन् । उनको प्रस्तावमाथि अहिले मतदान प्रक्रिया जारी छ। दाहाल एमाले, माओवादी केन्द्र, एकीकृत समाजवादी र जनता समाजवादी पार्टीका तर्फबाट उम्मेदवार हुन् ।
