नेपाल प्रहरीको केन्द्रीय अनुसन्धान ब्युरो (सीआईबी)ले बाँसबारी छालाजुत्ता कारखानाको जग्गा हिनामिना प्रकरणमा उद्योगपति एवम् सांसद विनोद चौधरीको पनि बयान लिने भएको छ ।
गृहमन्त्रालयमा गृहमन्त्री रवि लामिछानेले आइतबार सीआईबीका नवनियुक्त प्रमुख श्यामलाल ज्ञवालीलाई बोलाएर निर्देशन दिएका हुन् । बैठकमा गृह सचिव एकनारायण अर्याल समेत थिए ।
गृहमन्त्री रवि लामिछानेले चौधरीसहित यो प्रकरणमा जोडिएका सबैलाई कारबाहीको दायरामा ल्याउन निर्देशन दिएका छन् । सोही निर्देशन बमोजिम सांसद विनोद चौधरीको पनि सीआईबीले बयान लिने स्रोतले बताएको छ ।
