राष्ट्रिय प्रजातन्त्र पार्टी (राप्रपा)ले आन्दोलनमा जाने निर्णय गरेको छ। मंगलबार जारी केन्द्रीय समितिको बैठकको बीचमा बसेको पदाधिकारीहरुको बैठकले राजतन्त्रको पक्षमा आन्दोलनमा जाने निर्णय गरेको हो।
राप्रपाका १ जना पदाधिकारीले सर्वसम्मत रुपमा आन्दोलनमा जाने निर्णय गरिएको जानकारी दिए। पदाधिकारी बैठकले गरेको आन्दोलनमा जाने निर्णय केन्द्रीय समितिको बैठकमा पेस गरिने र केन्द्रीय समितिबाट पारित भएपछि पत्रकार सम्मेलनमार्फत् निर्णय सार्वजनिक गरिने ती पदाधिकारीको भनाइ छ।
त्यस्तै राप्रपा संघीय संसद्को यो कार्यकालभरी सरकारमा नजाने निर्णय पनि भएको ती पदाधिकारीले बताए। तत्काल केन्द्र र प्रदेश सरकारमा राप्रपा सहभागी नहुने र राजतन्त्रको पक्षमा शशक्त आन्दोलन गर्ने निर्णय भएको उनले बताए।
