गंगा विरुद्धको हमला, व्यवस्था विरुद्धको हमला हो : प्रचण्ड
मिसन संवाददाता
मङ्लबार, पुस ३, २०८० १४:१७
प्रधानमन्त्री पुष्पकमल दाहाल प्रचण्डले आफ्नी छोरीमाथि भएको आक्रमण व्यवस्थामाथिकै हमला भएको बताएका छन् ।
राज्य व्यवस्था तथा सुशासन समितिको बैठकमा उनले उक्त कुरा बताएका हुन् ।
उनको भनाइ जस्ताको तस्तै :
मेरो परिवारमा अब तीन जना सदस्यमात्रै बाकी छन् । एउटा छोरी रेणु दाहाल चितवन महानगरपालिकाको मेयर छन् । अर्को छोरी मेरो सचिवालयमा काम गरिरहेको छ । त्यो बिचरा कस्तो छ, सबैलाई नै थाहा छ । उसलाई जोडेर कहिले उचालिएको छ, कहिले पछारिएको छ । यो लोकतान्त्रिक व्यवस्थाविरुद्धको हमला हो ।
प्रचण्डलाई हमला गरेर नपछारेसम्म यो व्यवस्था उल्टिँदैन भनेर मेरोविरुद्ध लागिपरेका छन् । केलाई चलाएर के भने जस्तो, मैले किन चलाउनु ? मलाई थाहा छ, चुप लागेको हो । यहाँ समितिमा प्रश्न उठेकोले जवाफ दिएको हो ।
![उच्च अदालतमा ३९ न्यायाधीश नियुक्त [सुचीसहित]](https://hamromission.com/wp-content/uploads/2024/01/nyaya_parisad_OuiCZelkbq.jpg)
