३४१ मेगावाटको बूढीगण्डकी मल्होत्राबाट पाठकको नाममा
मिसन संवाददाता
बुधबार, माघ ३, २०८० 0८:१0
दीपक मल्होत्राको कम्पनी टाइम्स इनर्जीले आफू निर्माणको प्रस्तावक रहेको ३४१ मेगावाटको बूढीगण्डकी जलविद्युत् आयोजना साहस ऊर्जा लिमिटेडलाई बिक्री गरेको छ।
स्रोतका अनुसार ३४१ मेगावाटको बुढीगण्डकी जलविद्युत आयोजनाको लाइसेन्स २ अर्ब रुपैयाँमा ‘डिल’ भएको हो। उक्त लेनदेनअनुसार आयोजनामा व्यवसायी मल्होत्राले आफ्नो ५ प्रतिशत सेयर कायम राखेका छन्।
साहस ऊर्जाका अध्यक्ष हिमप्रसाद पाठकले आफ्नो कम्पनीले अब उक्त आयोजना निर्माण गर्ने बताए।
‘साहस ऊर्जा लिमिटेडद्वारा प्रवर्द्धित सोलुखोला (दूधकोशी) जलविद्युत् आयोजना ८६ मेवाको सफल निर्माण र सञ्चालनपश्चात् साहस ऊर्जा लिमिटेडकै लगानीमा ३४१ मेवाको अर्धजलाश्ययुक्त बूढीगण्डकी जलविद्युत आयोजना निर्माण गर्न गइरहेको सहर्ष जानकारी गराउँछु’, विज्ञप्ति जारी गर्दै पाठकले भनेका छन्।
