फारुकीले जिते ‘बिग बोस-१७’ को उपाधि : पुरस्कारमा पाए ५० लाख र गाडी
मिसन संवाददाता
सोमवार, माघ १५, २०८० 0९:५६
भारतीय रियालिटी शो बिग बोस १७औँ सस्करणको उपाधि मुनवर फारुकीले जितेका छन्। आइतबार राति भएको फिनालेमा उनी विजेता घोषणा भएका हुन्।
शोको टप ५ मा फारुकीसहित अंकिता लोखंडे, अभिषेक कुमार, मन्नारा चोपडा र अरुण माशेट्टी पुगेका थिए। जसबाट मुनवर र अभिषेक शीर्ष २ मा पुगे। तर, उपाधि मुनवरको पोल्टामा पर्न सफल भयो।
विजेता भएसँगै फारुकीले ५० लाख भारतीय रुपैयाँसहित गाडीसमेत हात पारे। फारुकी स्टयान्ड-अप कमेडियन समेत हुन्। अभिनेता सलमान खानले सञ्चालन गर्ने यो भारतीय टेलिभिजनकै सबैभन्दा रोमाञ्चक शो हो।
