भारतमा आइतबार ‘६९औँ फिल्म फेयर अवार्ड’को घोषणा भयो । गुजरातमा आयोजित अवार्ड समारोहमा आलिया भट्ट सर्वश्रेष्ठ अभिनेत्री घोषित भइन् भने सर्वश्रेष्ठ अभिनेता रणविर कपुर बने ।
रणविर र आलिया श्रीमान्/श्रीमती हुन् । आलियालाई ‘रकी ओर रानीकी प्रेम कहानी’ चलचित्रका लागि अवार्ड दिइँदा रणविरलाई ‘एनिमल’ चलचित्रको लागि अवार्ड दिइएको हो ।
यसबीचमा सन् २०२३ को सर्वश्रेष्ठ चलचित्रको अवार्ड भने ‘१२ वीं फेल’ चलचित्रले पायो । सोही चलचित्रका निर्देशक विधु विनोद चोपडालाई सर्वश्रेष्ठ निर्देशकको अवार्ड पनि दिइयो ।
यस्तै, ‘डंकी’ चलचित्रमा अभिनय गरेका विक्की कौशललाई सर्वश्रेष्ठ अभिनेता सपोर्टिङ रोलका लागि अवार्ड दिइयो । बीबीसी हिन्दी
