विधान अधिवेशनको तेस्रो दिन: प्रत्यक्ष निर्वाचन शतप्रतिशतको माग
मिसन संवाददाता
बिहिबार, फाल्गुन ३, २०८० १३:0९
नेकपा माओवादी केन्द्रको प्रथम विधान अधिवेशनको तेस्रो दिन समूहगत छलफलबाट प्राप्त सुझाव सङ्कलन सुरु भएको छ । प्रधानमन्त्री एवं पार्टी अध्यक्ष पुष्पकमल दाहाल ‘प्रचण्ड’ले प्रस्तुत गरेको विधान मस्यौंदामाथि समूहहरुबाट आज पनि सुझाव सङ्कलन गर्न सुरु गरिएको हो ।
बुधबार १३ वटा समूहले आ आफ्नो समूहका सुझवहरु पेश गरेका छन् । मङ्गलबारदेखि काठमाडौँको कमलादीस्थित प्रज्ञा प्रतिष्ठानमा सुरु भएको अधिवेशनमा सहभागीलाई विभिन्न २० समूहमा विभाजन गरिएको थियो।
आज बाँकी ७ समूहले सुझाव पेश गरेपछि पार्टी अध्यक्षसमेत रहेका प्रधानमन्त्री पुष्पकमल दाहाल प्रचण्डले जवाफ दिने कार्यसूची रहेको छ । माओवादीको विधान अधिवेशन आज सकिँदैछ ।
मङ्गलवार बाट सुरु भएको बैठकमा नेताहरूले केन्द्रदेखि तल्लो तहसम्मै प्रत्यक्ष निर्वाचन प्रणाली लागू गर्नुपर्ने, पार्टीको नाम र चुनाव चिह्न फेर्नुपर्नेलगायतका सुझाव दिएका छन्।
