काठमाडौं । कांग्रेसबाट राष्ट्रपतिका उम्मेदवार रामचन्द्र पौडेलले उम्मेदवारी दर्ता अगाडी राष्ट्रिय स्वतन्त्र पार्टीका सभापति रवि लामिछानेसँग भेट गरेका छन् ।
पौडेलले रविको हात्तिगौंडास्थित निवासमा पुगेर लामिछानेसँग भेट गरेका हुन् । संसदमा प्रतिनिधित्व गर्ने ८ दलको साझा उम्मेदवार बनेका पौडेलले लामिछानेको पार्टीको पनि साथ र समर्थन खोज्दै पार्टीले उम्मेदवारी तय गरेलगत्तै भेट गरेका हुन् ।
भेटमा पौडेलले राष्ट्रपतिमा आफूलाई समर्थन गर्न रास्वपा सभापति लामिछानेलाई आग्रह गरेका छन् । तर रास्वपाले भने केही निर्णय गरेको छैन ।
