काठमाडौं । नेपालका सबै सरकारी निकायको वेवसाइट डाउन भएको छ ।
राष्ट्रिय सूचना प्रविधि केन्द्रका अनुसार विद्युत् आपूर्तिमा समस्या आएपछि वेबसाइट डाउन भएकाे हाे ।
सिंहदरबाभित्र रहेको नेपाल विद्युत् प्राधिकरणको ट्रान्सफर्मर आज बिहान पड्किएको थियो । दिनभरि वैकल्पिक माध्यमबाट काम चलाए पनि अहिले धान्न नसकेपछि सबै वेबसाइट डाउन भएकाे राष्ट्रिय सूचना प्रविधि केन्द्रले जनाएको छ ।
केन्द्रीय सर्भरमा समस्या आउँदा त्रिभुवन अन्तर्राष्ट्रिय विमानस्थलको अध्यागमनको सिस्टम पनि चलेको छैन । सिंहदरवारस्थित केन्द्रीय सर्भरमा समस्या आएपछि सरकारी वेवसाइटहरू डाउन भएका हुन् ।
