स्थानीय तहको भूमिका व्यवस्थाप्रति असन्तुष्टि जनाउँदै नेपाल शिक्षक महासंघकाे आन्दोलन सुरु
मिसन संवाददाता
बुधबार, अशोज ३, २०८० १३:२२
काठमाडौं । स्थानीय तहको भूमिका व्यवस्थाप्रति असन्तुष्टि जनाउँदै नेपाल शिक्षक महासंघले आन्दोलन सुरू गरेकाे छ ।
संविधानअनुसार शिक्षा विधेयकमा शिक्षकको सरुवा, बढुवा, नियुक्ति कार्यसम्पादन, सेवासुविधा, नियमनलगायत रेखदेखमा स्थानीय तहको भूमिका रहने व्यवस्थाप्रति असन्तुष्टि जनाउँदै नेपाल शिक्षक महासंघले आन्दोलन सुरू गरेकाे हाे ।
सरकारले वार्तामा बस्न पटक–पटक गरेको आग्रहलाई अस्वीकार गर्दै देशभरका शिक्षकहरूले बुधबारदेखि काठमाडौं केन्द्रित सडक आन्दोलन गरेका छन् । ७७ जिल्ला कै शिक्षकहरू आन्दाेलनमा सहभागि भएका छन् ।
सरकारले गत भदौ २७ गते विद्यालय शिक्षा सम्बन्धी विधेयक प्रतिनिधिसभामा दर्ता गरेको थियो ।
संसद्मा दर्ता भएको विद्यालय शिक्षासम्बन्धी कानुनलाई संशोधन र एकीकरण गर्न बनेको विधेयकले शिक्षकलाई पालिकामातहत राख्ने व्यवस्था गरेको थियाे ।
